- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
പ്രളയക്കെടുതിയും മരണവും നേരിടുന്ന കേരളത്തെ രക്ഷിക്കാന്‍ കേന്ദ്ര-സംസ്ഥാന സര്‍ക്കാരുകളുടേയും സൈന്യത്തിന്റേയും അടിയന്തിര പ്രവര്‍ത്തനം ഉണ്ടാവണമെന്ന് ആവശ്യപ്പെട്ടുകൊണ്ട് സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന.
വിവരാണാതീതമായ പ്രളയക്കെടുതിയും മരണവും നേരിടുന്ന കേരളത്തെ രക്ഷിക്കാന്‍ കേന്ദ്ര-സംസ്ഥാന സര്‍ക്കാരുകളുടേയും സൈന്യത്തിന്റേയും അടിയന്തിര പ്രവര്‍ത്തനം ഉണ്ടാവണം. തുടര്‍ച്ചയായ മഴയും ഉരുള്‍പൊട്ടലും കാരണം ഇടുക്കി ജില്ല ദുരന്തഭൂമിയായി മാറിയിരിക്കുകയാണ്‌. ഇത്‌ മനസിലാക്കി സൈന്യത്തിന്റേയും കേന്ദ്ര-സംസ്ഥാന സര്‍ക്കാരുകളുടേയും അടിയന്തര സഹായ-രക്ഷാ പ്രവര്‍ത്തനങ്ങളാണ്‌ ഉണ്ടാകേണ്ടത്‌. ഇതിനകം സി.പി.ഐ (എം) പ്രവര്‍ത്തകരും അനുഭാവികളും പ്രളയ രക്ഷാ പ്രവര്‍ത്തനങ്ങളില്‍ ജാഗരൂഗരായിട്ടുണ്ട്‌. സി.പി.ഐ (എം) ന്റേയും ബഹുജനസംഘടനകളുടേയും എല്ലാ പ്രവര്‍ത്തകരും കൂടുതല്‍ സജീവമായി രംഗത്തുണ്ടാവണം. കനത്ത മഴയിലും ഉരുള്‍ പൊട്ടലിലും കേരളം കടുത്ത ദുരിതത്തിലാണ്‌. ഇടുക്കിയില്‍ മാത്രം ഒറ്റ ദിവസം കൊണ്ട്‌ 15 ലധികം പേരാണ്‌ പ്രളയകെടുതിയില്‍ മരിച്ചത്‌. രക്ഷാ പ്രവര്‍ത്തനത്തിനിടയിലുണ്ടായ മണ്ണിടിച്ചിലില്‍ മരിച്ചവര്‍ അഞ്ചുപേരാണ്‌. അടിമാലി ചീയപ്പാറയില്‍ വാഹനങ്ങള്‍ക്ക്‌ മുകളില്‍ മുപ്പതടിയോളം ഉയരത്തില്‍ മണ്ണിടിഞ്ഞ്‌ വീഴുകയും നിരവധി പേര്‍ കുടുങ്ങി കിടക്കുകയും ചെയ്യുന്നുവെന്നാണ്‌ റിപ്പോര്‍ട്ടുകള്‍. ടൂറിസ്റ്റ്‌ ബസ്‌ ഉള്‍പ്പെടെ മൂന്ന്‌ വാഹനങ്ങള്‍ കൊക്കയിലേക്ക്‌ മറിഞ്ഞതായും റിപ്പോര്‍ട്ടുകളുണ്ട്‌. ഇപ്പോള്‍ രക്ഷാപ്രവര്‍ത്തനം മഴ തുടരുന്നത്‌ കാരണം തടസപ്പെട്ടിരിക്കുന്നുവെന്നാണ്‌ വാര്‍ത്തകള്‍. വ്യേമസേനയുടേയും സൈന്യത്തിന്റേയും ഉള്‍പ്പെടെ അടിയന്തര സഹായം ഉണ്ടാകണം. ഇടുക്കി, എറണാകുളം, ആലപ്പുഴ ജില്ലകളില്‍ നിന്നായി പത്തിലധികം പേരെ കാണാതായിട്ടുണ്ട്‌. ഉത്തരകേരളത്തില്‍ ഉള്‍പ്പെടെ സംസ്ഥാനത്താകെ റോഡുകള്‍ തകരുകയും വാഹനഗതാഗതം അസാധ്യമാകുകയും ചെയ്‌തിരിക്കുന്നു. നെടുമ്പാശേരി വിമാനത്താവളം അടച്ചിടുന്ന തരത്തില്‍ മഴക്കെടുതി മാറിയിരിക്കുകയാണ്‌. സംസ്ഥാനത്തെ ഡാമുകള്‍ തുറന്നുവിടുന്നതിനാല്‍ കെടുതി വര്‍ദ്ധിച്ചിട്ടുണ്ട്‌. ഈ സാഹചര്യത്തില്‍ യുദ്ധസമാനമായ രക്ഷാപ്രവര്‍ത്തനവും സഹായ പ്രവര്‍ത്തനവും ഉണ്ടാകണമെന്ന്‌ കേന്ദ്ര-സംസ്ഥാന സര്‍ക്കാരുകളോട്‌ അഭ്യർത്ഥിക്കുന്നു.
തിരുവനന്തപുരം
05.08.2013
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌