- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
മലയാള ഭാഷയെ അപമാനിക്കുന്ന തീരുമാനത്തില്‍ നിന്ന്‌ യു.ഡി.എഫ്‌ സര്‍ക്കാര്‍ പിന്തിരിയണമെന്നാവശ്യപ്പെട്ട്‌ സി.പി.ഐ (എം) സംസ്ഥാനകമ്മിറ്റി പുറപ്പെടുവിക്കുന്ന പത്രക്കുറിപ്പ്‌
മലയാള ഭാഷയെ അപമാനിക്കുന്ന തീരുമാനത്തില്‍ നിന്ന്‌ യു.ഡി.എഫ്‌ സര്‍ക്കാര്‍ പിന്തിരിയണം. കേരളത്തില്‍ സര്‍ക്കാര്‍ സര്‍വീസില്‍ ജോലി തേടുന്നവര്‍ മലയാളം അറിഞ്ഞിരിക്കണമെന്ന നിബന്ധന സംബന്ധിച്ച അജണ്ട മന്ത്രിസഭാ യോഗത്തില്‍ നിന്ന്‌ മാറ്റാന്‍ സംസ്ഥാനസര്‍ക്കാര്‍ തയ്യാറായത്‌ ഭാഷാഭിമാനികളായ മലയാളികളെയാകെ ദുഃഖിപ്പിക്കുകയും അമര്‍ഷം കൊള്ളിക്കുകയും ചെയ്യുന്നു. മലയാളത്തിന്റെ ശത്രു മലയാളി തന്നെയാണെന്നും, കള്ളചുരിക തീര്‍ക്കുന്ന പണിയാകരുത്‌ നിയമനിര്‍മ്മാണമെന്നും ഒ.എന്‍.വി ചൂണ്ടിക്കാട്ടി. മലയാളത്തോടുള്ള അവഹേളനം എന്നാണ്‌ ടി. പത്മനാഭന്‍ ഇതിനെ വിശേഷിപ്പിച്ചത്‌. സര്‍ക്കാര്‍ ആരെയോ ഭയപ്പെടുന്നതായി തോന്നുന്നുവെന്ന്‌ സുഗതകുമാരി അഭിപ്രായപ്പെട്ടു.
ന്യൂനപക്ഷ ഭാഷ സംസാരിക്കുന്നവരുടെ ഉല്‍കണ്‌ഠകള്‍ പരിഗണിക്കുന്നതിന്റെ പേരില്‍ ഇത്തരമൊരു തകിടം മറിച്ചിലിന്റെ യാതൊരാവശ്യവുമില്ല എന്ന്‌ വസ്‌തുതകള്‍ പരിശോധിച്ചാല്‍ വ്യക്തമാകും. തമിഴ്‌, കന്നട തുടങ്ങിയ ന്യൂനപക്ഷ ഭാഷ സംസാരിക്കുന്നവര്‍ക്ക്‌ അവരുടെ മാതൃഭാഷയില്‍ തന്നെ വിദ്യാഭ്യാസം പൂര്‍ത്തീകരിക്കാനുള്ള അവകാശവും സ്വാതന്ത്ര്യവും അവസരവും കേരളത്തിലുണ്ട്‌. അതോടൊപ്പം അവര്‍ കേരളത്തില്‍ തൊഴില്‍ തേടാന്‍ ഉദ്ദേശിക്കുന്നുവെങ്കില്‍ മലയാള ഭാഷയില്‍ ആവശ്യമായ പരിജ്ഞാനം ഉണ്ടായിരിക്കണമെന്നാണ്‌ വ്യവസ്ഥ. മറ്റെല്ലാ സംസ്ഥാനങ്ങളിലും ഇത്തരം വ്യവസ്ഥയുണ്ട്‌. ഭാഷാ ന്യൂനപക്ഷങ്ങള്‍ സംസ്ഥാന സര്‍ക്കാര്‍ സര്‍വീസില്‍ പ്രവേശിക്കുമ്പോള്‍ അവരുടെ മലയാള ഭാഷ അഭിരുചി പരിശോധിക്കാമെന്ന സര്‍ക്കാര്‍ ഉത്തരവ്‌ 1974 ല്‍ പുറപ്പെടുവിച്ചിട്ടുണ്ട്‌. അത്‌ ഇപ്പോഴും പ്രാബല്യത്തിലുള്ളതാണ്‌.
ഈ പശ്ചാത്തലത്തില്‍ ഭാഷാ ന്യൂനപക്ഷങ്ങള്‍ക്ക്‌ ഒരു പ്രയാസവുമുണ്ടാകേണ്ട തീരുമാനമല്ല മന്ത്രിസഭാ യോഗത്തിന്റെ അജണ്ടയില്‍ ഉണ്ടായിരുന്നത്‌. ഇത്‌ ഏതോ നിഗുഢ ശക്തികളുടെ ഇടപെടലിനെ തുടര്‍ന്ന്‌ പിന്‍വലിച്ചത്‌ സ്വന്തം അമ്മയെ അവഹേളിക്കുന്നതിന്‌ സമമാണ്‌. സി.ബി.എസ്‌.ഇ ഉള്‍പ്പെടെയുള്ള ഇംഗ്ലീഷ്‌ മീഡിയം വിദ്യാഭ്യാസ ലോബിയുടെ സമ്മര്‍ദ്ദവും ഇതിന്റെ പിന്നിലുണ്ടെന്നതില്‍ സംശയമില്ല. ആഗോളീകരണത്തിന്റെ ഭാഗമായി വ്യത്യസ്‌ത കച്ചവട ലോബികള്‍ ഓരോ മേഖലയിലും അവസാന വാക്കാകുമ്പോള്‍ മാതൃഭാഷ പോലും പിന്തള്ളപ്പെടുമെന്നാണ്‌ ഇത്‌ കാണിക്കുന്നത്‌.
മലയാളം ശ്രേഷ്‌ഠ ഭാഷയായി അംഗീകരിക്കപ്പെടുകയും ഭാഷക്ക്‌ മാത്രമായി ഒരു സര്‍വകലാശാല സ്ഥാപിക്കപ്പെടുകയും ചെയ്‌തതിന്റെ പശ്ചാത്തലത്തില്‍ ഇത്തരമൊരു കീഴടങ്ങല്‍ സംസ്ഥാന സര്‍ക്കാര്‍ നടത്തിയത്‌ അത്യന്തം അധിക്ഷേപാര്‍ഹമാണ്‌. ഇക്കാര്യം ചൂണ്ടിക്കാണിച്ച്‌ സംസ്ഥാന സര്‍ക്കാരിന്റെ വീഴ്‌ചയെ വിമര്‍ശിച്ച പ്രമുഖ സാഹിത്യകാരന്മാരും ഭാഷാ സ്‌നേഹികളും ഭാഷാ ഭ്രാന്തന്മാരാണ്‌ എന്ന നിലയില്‍ ചിത്രീകരിക്കുവാന്‍ സാംസ്‌കാരികവകുപ്പ്‌ മന്ത്രി തയ്യാറായത്‌ അപമാനകരമാണ്‌.
മലയാള ഭാഷാ പരിജ്ഞാനം സംസ്ഥാന സര്‍ക്കാര്‍ സര്‍വീസില്‍ ജോലി തേടുന്നവര്‍ക്ക്‌ നിര്‍ബന്ധിതമാക്കികൊണ്ടുള്ള തീരുമാനം സംബന്ധിച്ച്‌ വ്യക്തമായ തീരുമാനമെടുത്ത്‌ ഇനി ഒട്ടും വൈകാതെ ഉത്തരവ്‌ പുറപ്പെടുവിക്കണമെന്ന്‌ സംസ്ഥാനസര്‍ക്കാരിനോട്‌ ശക്തമായി ആവശ്യപ്പെടുന്നു.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌