- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
കൈത്തറി വ്യവസായ പഠനസമിതിയില്‍ കേന്ദ്രസര്‍ക്കാര്‍ കേരളത്തിന്‌ പ്രാതിനിധ്യം നല്‍കാത്ത നടപടി പ്രതിഷേധാര്‍ഹമാണെന്ന്‌ കാണിച്ച്‌ സി.പി.ഐ (എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
കൈത്തറി വ്യവസായ പഠനസമിതിയില്‍ കേന്ദ്രസര്‍ക്കാര്‍ കേരളത്തിന്‌ പ്രാതിനിധ്യം നല്‍കാത്ത നടപടി പ്രതിഷേധാര്‍ഹമാണ്. കൈത്തറി വ്യവസായത്തെ പുനരുദ്ധരിക്കാനും സംരക്ഷിക്കാനുമായി കേന്ദ്ര ടെക്‌സ്റ്റൈല്‍ മന്ത്രാലയം രൂപീകരിച്ച പഠനസമിതിയില്‍ കേരളം ഒഴികെയുള്ള എട്ട്‌ സംസ്ഥാനങ്ങളിലെ ടെക്‌സ്റ്റൈല്‍ ഹാന്‍ഡ്‌ലൂം ഡയറക്ടര്‍മാരെ ഉള്‍പ്പെടുത്തിയിട്ടുണ്ട്‌. എന്നാല്‍ ഒന്നേകാല്‍ ലക്ഷത്തിലധികം തൊഴിലാളികളുടെയും അവരുടെ കുടുംബങ്ങളുടെയും ജീവിതാശ്രയമായ കേരളത്തിലെ കൈത്തറി മേഖലയോട്‌ കാട്ടിയ അവഗണനയാണ്‌ സമിതിയില്‍ കേരളത്തിന്‌ പ്രാതിനിധ്യം നല്‍കാതിരുന്നത്‌.
സംസ്ഥാനത്തെ കൈത്തറിമേഖല പ്രതിസന്ധിയിലും തകര്‍ച്ചയിലുമാണ്‌. കൈത്തറി സംഘങ്ങളുടെ കടം എഴുതിത്തള്ളുന്നതിന്‌ കേന്ദ്ര ബജറ്റില്‍ 2010ല്‍ പ്രഖ്യാപിച്ച 3884 കോടി രൂപയുടെ ആശ്വാസ നടപടി ഇതുവരെ പൂര്‍ത്തിയാക്കിയിട്ടില്ല. 785 സംഘങ്ങള്‍ രജിസ്റ്റര്‍ ചെയ്‌തിട്ടുള്ള ഇവിടെ 124 സംഘങ്ങള്‍ക്ക്‌ മാത്രമേ ഇതുവരെ സഹായധനം നല്‍കിയിട്ടുള്ളൂ. ഉത്സവകാലത്ത്‌ ഉള്‍പ്പെടെ കൈത്തറി വില്‍പന പ്രോത്സാഹിപ്പിക്കുന്നതിനുവേണ്ടി കേന്ദ്രം അനുവദിച്ചിരുന്ന 10 ശതമാനം റിബേറ്റ്‌ 2009-ല്‍ നിര്‍ത്തലാക്കി. അത്‌ പുനഃസ്ഥാപിച്ചിട്ടില്ല. എല്‍.ഡി.എഫ്‌ സര്‍ക്കാര്‍ കൊണ്ടുവന്ന ഇന്‍കം സപ്പോര്‍ട്ട്‌ സ്‌കീം നടപ്പാക്കുന്നതിന്‌ ജില്ലകള്‍ക്ക്‌ 10 കോടി രൂപ നല്‍കിയിരുന്നു. അതുപോലെ നൂല്‍ സബ്‌സിഡിയും പദ്ധതിയും കൊണ്ടുവന്നു. കൈത്തറിക്ക്‌ വ്യവസായത്തിന്‌ കൈത്താങ്ങായിരുന്ന ആ പദ്ധതികളെല്ലാം ഇന്ന്‌ യു.ഡി.എഫ്‌ സര്‍ക്കാര്‍ അട്ടിമറിച്ചിരിക്കുകയാണ്‌. കൈത്തറി വ്യവസായത്തെ സംരക്ഷിക്കാന്‍ കൈത്തറി സഹകരണസംഘങ്ങള്‍ ബാങ്കുകളില്‍നിന്ന്‌ ക്യാഷ്‌ ക്രെഡിറ്റ്‌ ലോണ്‍ വാങ്ങുമ്പോള്‍ നല്‍കേണ്ട പലിശ നാമമാത്രമാക്കുകയും പലിശ കേന്ദ്രസര്‍ക്കാര്‍ നല്‍കുകയും ചെയ്യേണ്ടതുണ്ട്‌. ഇതടക്കമുള്ള നടപടികള്‍ സ്വീകരിച്ച്‌ കേരളത്തിലെ കൈത്തറിയെ സംരക്ഷിക്കാനുള്ള ബാധ്യത കേന്ദ്ര സര്‍ക്കാരിനുണ്ട്‌.
നിലവിലുള്ള തറികള്‍ ആധുനികവല്‍ക്കരിക്കുക, സബ്‌സിഡി നല്‍കേണ്ട വിഭാഗങ്ങള്‍ ഏതെന്ന്‌ നിര്‍ണയിക്കുക, പുതിയ കാലഘട്ടത്തിന്‌ അനുസരണമായി കൈത്തറിയുടെ നിര്‍വചനം എങ്ങനെ മാറ്റണം തുടങ്ങിയ കാര്യങ്ങള്‍ അന്വേഷിക്കാന്‍ ചുമതലപ്പെടുത്തിയിരിക്കുന്ന സമിതിയില്‍ കേരളത്തിന്‌ നിര്‍ബന്ധമായി പ്രാതിനിധ്യം നല്‍കേണ്ടതായിരുന്നു. ഈ തെറ്റ്‌ കേന്ദ്രം തിരുത്തണം. കേരളത്തിലെ കൈത്തറി വ്യവസായത്തെ സംരക്ഷിക്കാന്‍ പ്രത്യേക നടപടികള്‍ കേന്ദ്രസര്‍ക്കാര്‍ സ്വീകരിക്കണം.
തിരുവനന്തപുരം
04.09.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌