- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ലാവ്‌ലിന്‍ കേസില്‍ നിന്ന്‌ പിണറായി വിജയനെ ഒഴിവാക്കിക്കൊണ്ടുള്ള സി.ബി.ഐ കോടതിയുടെ വിധിയെ സ്വാഗതം ചെയ്‌തുകൊണ്ട്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന...
ലാവ്‌ലിന്‍ കേസില്‍ നിന്ന്‌ പിണറായി വിജയനെ ഒഴിവാക്കിക്കൊണ്ടുള്ള സി.ബി.ഐ കോടതിയുടെ വിധിയെ സ്വാഗതം ചെയ്യുന്നു. രാഷ്ട്രീയ ദുഷ്‌ടലാക്കോടെയാണ്‌ പിണറായി വിജയനെ ലാവ്‌ലിന്‍ കേസില്‍ പ്രതിചേര്‍ത്തതെന്ന പാര്‍ടി നിലപാടിന്റെ സാധൂകരണമാണ്‌ കോടതി വിധി. സി.ബി.ഐയെ ഉപയോഗിച്ച്‌ രാഷ്ട്രീയ പ്രതിയോഗികളെ കേസില്‍ കുടുക്കി തകര്‍ക്കുന്ന കോണ്‍ഗ്രസ്സിന്റെ രാഷ്ട്രീയ ദുഷ്‌ടലാക്കിനേറ്റ കനത്ത പ്രഹരം കൂടിയാണ്‌ ഈ കോടതി വിധി.
പന്നിയാർ-ചെങ്കുളം-പള്ളിവാസല്‍ ജലവൈദ്യുത പദ്ധതികളുടെ നവീകരണത്തിനാണ്‌ എസ്‌.എൻ.സി ലാവ്‌ലിനുമായി 1995-ല്‍ യു.ഡി.എഫ്‌ സര്‍ക്കാര്‍ കരാര്‍ ഉണ്ടാക്കിയത്‌. പ്രസ്‌തുത കരാറുമായി മുന്നോട്ടുപോവുക മാത്രമായിരുന്നു 1996-ല്‍ അധികാരമേറ്റ എല്‍.ഡി.എഫ്‌ സര്‍ക്കാര്‍ ചെയ്‌തത്‌. ആ സര്‍ക്കാരിലെ വൈദ്യുതി മന്ത്രിയായിരുന്ന പിണറായി വിജയൻ, സംസ്ഥാനത്തെ വൈദ്യുതിക്ഷാമം പരിഹരിക്കുന്നതിന്‌ അക്കാലത്ത്‌ കൈക്കൊണ്ട നടപടികള്‍ സര്‍വ്വരും ശ്ലാഘിച്ചതുമാണ്‌.
2001-ല്‍ അധികാരമേറ്റ യു.ഡി.എഫ്‌ സര്‍ക്കാരിന്റെ കാലത്താണ്‌ ലാവ്‌ലിന്‍ കരാറില്‍ ക്രമക്കേടുണ്ടെന്ന ആക്ഷേപം അന്നത്തെ ഭരണപക്ഷത്തുള്ള ചിലര്‍ ഉയര്‍ത്തിക്കൊണ്ടു വന്നത്‌. സി.എ.ജി റിപ്പോര്‍ട്ടിലെ ചില പരാമര്‍ശങ്ങളായിരുന്നു അതിന്റെ അടിസ്ഥാനം. തുടര്‍ന്ന്‌ അന്നത്തെ സര്‍ക്കാര്‍ ഈ പ്രശ്‌നം അന്വേഷിക്കാന്‍ സംസ്ഥാന വിജിലന്‍സിനെ ചുമതലപ്പെടുത്തി. പിണറായി വിജയനെതിരായ ആക്ഷേപങ്ങളില്‍ ഒരു കഴമ്പുമില്ലെന്ന്‌ വിജിലന്‍സ്‌ അന്വേഷിച്ച്‌ റിപ്പോര്‍ട്ട്‌ നല്‍കി. എന്നാൽ പിണറായി വിജയന്റെ രക്തത്തിനുവേണ്ടി ദാഹിച്ചവര്‍ക്ക്‌ വിജിലന്‍സ്‌ റിപ്പോര്‍ട്ട്‌ തൃപ്‌തികരമായില്ല. 2006 ലെ പൊതുതെരഞ്ഞെടുപ്പിനു തൊട്ടുമുമ്പ്‌ ഉമ്മന്‍ചാണ്ടി സര്‍ക്കാർ പ്രശ്‌നം സി.ബി.ഐ അന്വേഷണത്തിന്‌ വിട്ടു.
ഏതു വിധേനെയും പിണറായി വിജയനെ പ്രതിയാക്കണമെന്ന മുന്‍ ധാരണയോടെയാണ്‌ സി.ബി.ഐ പ്രവര്‍ത്തിച്ചത്‌. ലാവ്‌ലിനുമായുള്ള കരാറിന്‌ രൂപം നല്‍കിയ യു.ഡി.എഫ്‌ മന്ത്രിസഭയിലെ വൈദ്യുതി മന്ത്രിയായിരുന്ന ജി. കാര്‍ത്തികേയന്റെ ചെയ്‌തികളില്‍ ഒരു കുറ്റവും കാണാത്ത സി.ബി.ഐ, പിണറായി വിജയനെ പ്രതിയാക്കി കുറ്റപത്രം സമര്‍പ്പിച്ചു. സംസ്ഥാന മന്ത്രിസഭയുടെ തീരുമാനത്തെ മറികടന്ന്‌, അന്നത്തെ ഗവര്‍ണ്ണര്‍ പിണറായി വിജയനെ പ്രോസിക്യൂട്ട്‌ ചെയ്യാന്‍ അനുമതിയും നല്‍കി. ഇതെല്ലാം വലിയ രാഷ്ട്രീയ ഗൂഢാലോചനയായിരുന്നു.
മാര്‍ക്‌സിസ്റ്റ്‌ വിരുദ്ധ മാധ്യമങ്ങള്‍ ഈ കള്ളക്കേസിന്റെ മറവില്‍ പാര്‍ടിയേയും പിണറായി വിജയനേയും വേട്ടയാടി. ലാവ്‌ലിന്‍ കരാറുമായി ബന്ധപ്പെട്ട്‌ പിണറായി വിജയന്‍ ഒരു സാമ്പത്തിക നേട്ടവുമുണ്ടാക്കിയിട്ടില്ലെന്ന്‌ സി.ബി.ഐ കോടതിയില്‍ നല്‍കിയ സ്റ്റേറ്റ്‌മെന്റിലെ പരാമര്‍ശങ്ങള്‍ പോലും അവര്‍ കണ്ടില്ല. സി.പി.ഐ(എം)നെയും ഇടതുപക്ഷത്തെയും തകര്‍ക്കാന്‍ കിട്ടിയ അവസരം എന്ന നിലയിൽ ശത്രുക്കളെല്ലാം ഒത്തുചേര്‍ന്നു. വലതുപക്ഷം മാത്രമല്ല, തീവ്ര ഇടതുപക്ഷവും ദുഷ്‌പ്രചരണങ്ങളില്‍ സജീവമായിരുന്നു.
ലാവ്‌ലിന്‍ കേസ്‌ കളവായി കെട്ടിച്ചമച്ചതാണെന്നും, പിണറായി വിജയന്‍ യാതൊരു അഴിമതിയും നടത്തിയിട്ടില്ലെന്നും, കേസിനെ രാഷ്‌ട്രീയമായും നിയമപരമായും നേരിടും എന്നുമായിരുന്നു പാര്‍ടി കേന്ദ്രകമ്മിറ്റിയും സംസ്ഥാന കമ്മിറ്റിയും കൈക്കൊണ്ട നിലപാട്‌. സംസ്ഥാനത്തെ പാര്‍ടി ഒന്നാകെ പാര്‍ടി തീരുമാനത്തിന്റെ പിന്നില്‍ അടിയുറച്ചുനിന്നു. പാര്‍ടിയുടെ നിലപാടിന്റെ ഉജ്ജ്വല വിജയമാണ്‌ ഇപ്പോഴത്തെ കോടതി വിധി.
കള്ളക്കേസുകളുണ്ടാക്കി, മലീമസമായ പ്രചരണം നടത്തി പാര്‍ടിയെ തകര്‍ക്കാമെന്ന്‌ വ്യാമോഹിച്ച എല്ലാവര്‍ക്കുമുള്ള താക്കീതാണ്‌ കോടതി വിധി. മാത്രമല്ല, പ്രതിയോഗികളെ കള്ളക്കേസില്‍ കുടുക്കി തകര്‍ക്കാമെന്ന്‌ കരുതുന്നവര്‍ക്കുമുള്ള മുന്നറിയിപ്പുമാണിത്.
തിരുവനന്തപുരം
05.11.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌