- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ആധാര്‍ നിര്‍ബന്ധമാക്കരുത്‌ - (കേരള സംസ്ഥാന പ്ലീനം അംഗീകരിച്ച പ്രമേയം)
വിവിധ സര്‍ക്കാര്‍ ആനുകൂല്യങ്ങള്‍ക്ക്‌ ആധാര്‍ കാര്‍ഡ്‌ നിര്‍ബന്ധമാക്കാനുള്ള കേന്ദ്രസര്‍ക്കാര്‍ തീരുമാനം പിന്‍വലിക്കണം. ആധാര്‍ നിര്‍ബന്ധമാക്കരുതെന്ന സുപ്രീം കോടതിയുടെ ആവര്‍ത്തിച്ചുള്ള നിര്‍ദ്ദേശങ്ങള്‍ പോലും സര്‍ക്കാര്‍ അവഗണിക്കുകയാണ്‌. യാതൊരുവിധ നിയമത്തിന്റെയും പിന്‍ബലം ആധാറിനില്ല. യു.ഐ.ഡി ബില്‍ പാര്‍ലമെന്റില്‍ അവതരിപ്പിക്കുകയും സ്റ്റാന്റിംഗ്‌ കമ്മിറ്റിയുടെ പരിഗണനയ്‌ക്ക്‌ വിടുകയും ചെയ്‌തു. ഈ ബില്ലിലെ വ്യവസ്ഥകള്‍ നിരാകരിക്കുന്നതാണ്‌ സ്റ്റാന്റിംഗ്‌ കമ്മിറ്റിയുടെ റിപ്പോര്‍ട്ട്‌. എന്നിട്ടും കേന്ദ്ര സര്‍ക്കാര്‍ ആധാര്‍ അടിച്ചേല്‍പ്പിക്കുകയാണ്‌.
ഗ്യാസ്‌ സബ്‌സിഡിക്ക്‌ ആധാർ-ബാങ്ക്‌ അക്കൗണ്ട്‌ ഡിസംബര്‍ 1 മുതല്‍ നിര്‍ബന്ധിതമാക്കാന്‍ എണ്ണക്കമ്പനികള്‍ തീരുമാനിച്ചിരിക്കുകയാണ്‌. ഈ തീരുമാനം ഒരു കാരണവശാലും അംഗീകരിക്കാനാവുന്നതല്ല. ആ നടപടികളില്‍ നിന്ന്‌ സര്‍ക്കാര്‍ പിന്മാറണം. രാജ്യത്തെ ജനസംഖ്യയുടെ 25 ശതമാനം പേര്‍ക്ക്‌ മാത്രമാണ്‌ ഇതുവരെ ആധാര്‍ കാര്‍ഡ്‌ ലഭിച്ചത്‌. 52 കോടി പേര്‍ എന്‍റോള്‍ ചെയ്‌തതായി സര്‍ക്കാര്‍ അവകാശപ്പെടുന്നുണ്ടെങ്കിലും മുഴുവന്‍ പേര്‍ക്കും കാര്‍ഡ്‌ ഇതുവരെ ലഭിച്ചിട്ടില്ല. എന്ന്‌ ലഭിക്കുമെന്നും ഉറപ്പില്ല. ബാക്കിയുള്ളവരുടെ നിലയും അനിശ്ചിതത്വത്തിലാണ്‌. ഈ ഘട്ടത്തില്‍ സബ്‌സിഡി, പെന്‍ഷൻ, ക്ഷേമപദ്ധതി തുടങ്ങിയ ആനുകൂല്യങ്ങള്‍ ലഭിക്കാന്‍ ആധാര്‍ നിര്‍ബന്ധമാക്കുന്നത്‌ ഒട്ടും ന്യായീകരിക്കത്തക്കതല്ല.
ആധാര്‍ കാര്‍ഡിന്റെ അടിസ്ഥാനത്തില്‍ ബാങ്ക്‌ അക്കൗണ്ട്‌ ആരംഭിക്കാന്‍ സര്‍ക്കാര്‍ നിഷ്‌കര്‍ഷിക്കുന്നു. സീറോ ബാലന്‍സ്‌ അക്കൗണ്ട്‌ തുടങ്ങാന്‍ ബാങ്ക്‌ അനുവദിക്കുന്നില്ല. പല ബാങ്കുകളും 500, 1000 രൂപ വരെ നിക്ഷേപം വാങ്ങിയാണ്‌ എസ്‌.ബി അക്കൗണ്ട്‌ തുടങ്ങുന്നത്‌. നിയുക്ത ബാങ്കുകള്‍ എല്ലാ മേഖലയിലും ഇല്ലാത്തതു മൂലം അക്കൗണ്ട്‌ തുറക്കാന്‍ കഴിയുന്നില്ല. ബാങ്കുകളില്‍ ജോലിഭാരം കൂടുന്നതിനാല്‍ അക്കൗണ്ട്‌ തുറക്കാന്‍ ആറുമാസം വരെ സമയമെടുക്കുന്നു. സംസ്ഥാനത്തെ ക്ഷേമനിധി അംഗങ്ങളെയും പെന്‍ഷന്‍കാരെയും സര്‍ക്കാര്‍ തീരുമാനം വല്ലാത്ത വിഷമത്തിലാക്കിയിരിക്കുകയാണ്‌. കേരളത്തില്‍ 68 ലക്ഷം ക്ഷേമനിധി അംഗങ്ങളുണ്ട്‌. ആധാർ-ബാങ്ക്‌-ക്ഷേമനിധി ലിങ്കുചെയ്യാന്‍ സര്‍ക്കാര്‍ തീരുമാനിച്ചിരിക്കുകയാണ്‌. എന്‍റോള്‍ ചെയ്‌ത്‌ സ്‌മാര്‍ട്ട്‌ കാര്‍ഡ്‌ കിട്ടാന്‍ ഓരോരുത്തരും 40 രൂപ വീതം നല്‍കണം. 9 ലക്ഷം ക്ഷേമനിധി പെന്‍ഷന്‍കാര്‍ക്കും ഇത്‌ ബാധകമാണ്‌.
കൈത്തൊഴിലാളി-വിദഗ്‌ദ്ധ തൊഴിലാളി ക്ഷേമനിധി, തയ്യല്‍ തൊഴിലാളി ക്ഷേമനിധി, ബാര്‍ബർ, അലക്ക്‌, വീട്ടുവേല, ഈറ്റ, പനമ്പ്‌ തുടങ്ങിയ ചെറിയ ക്ഷേമപദ്ധതികള്‍ കമ്പ്യൂട്ടറൈസ്‌ ചെയ്‌തിട്ടില്ല. ഇവര്‍ക്കും പുതിയ വ്യവസ്ഥ ബാധകമാക്കി യിരിക്കുകയാണ്‌. വിദ്യാര്‍ത്ഥിനികള്‍ക്ക്‌ ലഭിക്കുന്ന ക്ഷേമനിധി സ്‌കോളര്‍ഷിപ്പ്‌, വിദ്യാഭ്യാസ ഗ്രാന്റ്‌ എന്നിവയും ആധാറുമായി ബന്ധപ്പെടുത്തും. 2014 ആഗസ്റ്റ്‌ മുതല്‍ റേഷന്‍ സബ്‌സിഡിയും ആധാര്‍ അക്കൗണ്ടിലൂടെയാവും എന്നും സര്‍ക്കാര്‍ പറയുന്നു. ആധാറിനെ കര്‍ഷകത്തൊഴിലാളി ക്ഷേമനിധിയുമായി ബന്ധിപ്പിക്കാനുള്ള ശ്രമവും ഒരു കാരണവശാലും അംഗീകരിക്കാനാവുന്നതല്ല.
ഗ്യാസ്‌ സിലിണ്ടറിന്‌ സബ്‌സിഡി കിഴിച്ച തുകയാണ്‌ ഇപ്പോള്‍ ഉപഭോക്താവ്‌ ഏജന്‍സിക്ക്‌ നല്‍കേണ്ടത്‌. ആ തുക 450 രൂപയാണ്‌. (കമ്പനികള്‍ തമ്മില്‍ വില വ്യത്യാസം ഉണ്ട്‌). ഡിസംബര്‍ 1 മുതല്‍ ഏജന്‍സിക്ക്‌ മുഴുവന്‍ തുകയും നല്‍കുമ്പോള്‍ മുഴുവന്‍ തുകയ്‌ക്കും 12% തോതില്‍ നികുതി നല്‍കേണ്ടിവരും. വാറ്റിനു പുറമെ സര്‍ചാര്‍ജ്ജും നല്‍കണം. അധികഭാരമാണ്‌ ജനങ്ങള്‍ ചുമക്കേണ്ടിവരുന്നത്‌.
സബ്‌സിഡികള്‍ എല്ലാം ഒഴിവാക്കി, എല്ലാം കമ്പോള ശക്തികള്‍ക്ക്‌ വിട്ടുകൊടുക്കുക എന്ന നയത്തിന്റെ ഫലമായിട്ടാണ്‌ ഇതെല്ലാം സംഭവിക്കുന്നത്‌. നവ ഉദാരവല്‍ക്കരണ നയങ്ങളുടെ പ്രത്യാഘാതമാണിത്‌. പാവപ്പെട്ടവരും സാധാരണക്കാരുമായ ജനങ്ങളുടെ ജീവിതഭാരം വര്‍ദ്ധിപ്പിക്കുന്നതാണ്‌ ഈ നയങ്ങൾ. ഇത്തരം നയങ്ങള്‍ക്കെതിരെ ഒറ്റക്കെട്ടായി അണിനിരക്കാന്‍ എല്ലാവരോടും അഭ്യര്‍ത്ഥിക്കുന്നു.
സ: ഇ.എം.എസ്‌ നഗർ, പാലക്കാട്‌
28.11.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌