- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് അനുശോചന സന്ദേശത്തില്‍ പറഞ്ഞു.
സ്ത്രീകളുടെ സുരക്ഷിതത്വം ഉറപ്പുവരുത്തുന്നതില്‍ സര്‍ക്കാര്‍ പരാജയപ്പെട്ടിരിക്കുന്നു
കോടിയേരി ബാലകൃഷ്ണന്
കേരളത്തിലെ സ്ത്രീകളുടെ ജീവിതം ഏറെ അരക്ഷിതമായിത്തീര്‍ന്നിരിക്കുന്നു എന്നതിന്റെ മറ്റൊരു തെളിവാണ്‌ വര്‍ക്കലയില്‍ നടന്ന പീഡന സംഭവം.
പെരുമ്പാവൂരില്‍ നാടിനെ നടുക്കിയ കൊലപാതകത്തിന്റെ വാര്‍ത്തകളുടെ ആഘാതത്തില്‍ കേരളം ഇനിയും മോചിതമായിട്ടില്ല. ആ ഘട്ടത്തിലാണ്‌ വര്‍ക്കലയില്‍ മറ്റൊരു പെണ്‍കുട്ടി കൂട്ടബലാല്‍സംഗത്തിന്‌ ഇരയായ വാര്‍ത്ത കൂടി പുറത്തുവന്നിരിക്കുന്നത്‌. നഴ്സിംഗ്‌ വിദ്യാര്‍ത്ഥിനിയെ കൂട്ടബലാല്‍സംഗത്തിന്‌ ഇരയാക്കി റെയില്‍വേ ട്രാക്കില്‍ തള്ളിയ സംഭവമാണ്‌ ഇപ്പോള്‍ പുറത്തുവന്നിരിക്കുന്നത്‌. അത്യന്തം ഗൗരവകരമായ ഈ സംഭവം ഉണ്ടായിട്ടും ശക്തമായി ഇടപെടുന്നതില്‍ പോലീസ്‌ വൈമുഖ്യം കാണിക്കുകയാണ്‌. ഈ സംഭവുമായി ബന്ധപ്പെട്ട പ്രതികളെ ശിക്ഷിക്കുന്നതിന്‌ കഴിയുന്ന തരത്തിലുള്ള ശക്തമായ നിയമനടപടികള്‍ പോലീസിന്റെ ഭാഗത്ത്‌ നിന്ന്‌ ഉണ്ടാവണം. അതിനായി ഈ കേസ്‌ എ.ഡി.ജി.പി തലത്തിലുള്ള ഒരു വനിതാ പോലീസ്‌ ഉദ്യോഗസ്ഥയുടെ നേതൃത്വത്തിലുള്ള സ്പെഷ്യല്‍ ഇന്‍വെസ്റ്റിഗേഷന്‍ ടീം അന്വേഷിക്കാന്‍ തയ്യാറാകണം.
പെരുമ്പാവൂരിലെ ജിഷയുടെ മരണം വീടുകളില്‍ പോലും സ്ത്രീകള്‍ സുരക്ഷിതരല്ലെന്ന ഗൗരവമായ അവസ്ഥയാണ്‌ സൃഷ്ടിച്ചിട്ടുള്ളത്‌. അത്യന്തം ഹീനവും പൈശാചികവുമായ ജിഷയുടെ കൊല നടന്നിട്ടും ഗൗരവമായി പ്രശ്നങ്ങളെ കാണാന്‍ പോലീസ്‌ തയ്യാറായതുമില്ല. മുന്‍വിധിയോടെയും അതീവ ലാഘവത്തോടെയുമാണ്‌ പോലീസ്‌ പ്രശ്നങ്ങളെ കണ്ടതെന്ന്‌ തുടര്‍ന്നുള്ള സംഭവങ്ങള്‍ വ്യക്തമാക്കുന്നു. ഒരു പ്രതി മാത്രമേ ഇതില്‍ ഉള്‍പ്പെട്ടിട്ടുള്ളൂ എന്ന്‌ അന്വേഷണത്തിനു മുമ്പു തന്നെ ഒരു ഉന്നത പോലീസ്‌ ഉദ്യോഗസ്ഥന്‍ പ്രസ്താവിച്ചു എന്നതും അതീവ ഗൗരവമുള്ള കാര്യമാണ്‌. പോസ്റ്റുമോര്‍ട്ടം പോലും ഒരു പി.ജി വിദ്യാര്‍ത്ഥിയാണ്‌ ചെയ്തത്‌ എന്ന വാര്‍ത്തയും പുറത്തുവന്നിട്ടുണ്ട്‌. വ്യാഴാഴ്ച നടന്ന സംഭവത്തില്‍ ശക്തമായ പ്രതിഷേധം ഉയര്‍ന്നുവന്നശേഷമാണ്‌ പോലീസ്‌ ഗൗരവമായി എന്തെങ്കിലും ചെയ്യുന്നുവെന്ന്‌ വരുത്തികൂട്ടാനെങ്കിലും ശ്രമിച്ചത്‌.
ജിഷയുടെ ക്രൂരമായ കൊലപാതകത്തെ സംബന്ധിച്ച വിവരങ്ങള്‍ പുറത്തുകൊണ്ടുവന്നതില്‍ പ്രധാന പങ്ക്‌ വഹിച്ച മാധ്യമങ്ങളുടെ പ്രവര്‍ത്തകര്‍ പോലും ആക്രമിക്കപ്പെടുന്ന സ്ഥിതിയും ഉണ്ടായിരിക്കുകയാണ്‌. മുഖ്യമന്ത്രിയുടെ നിര്‍ദ്ദേശപ്രകാരമാണ്‌ ഈ ആക്രമണം നടന്നത്‌ എന്നത്‌ വ്യക്തമാണ്‌. ജനാധിപത്യസമൂഹത്തിന്റെ ശക്തമായ അടിത്തറയാണ്‌ മാധ്യമ സ്വാതന്ത്ര്യം എന്നത്‌. എന്നിട്ടും ഇവര്‍ക്കെതിരെ ആക്രമണങ്ങള്‍ അഴിച്ചുവിടാനാണ്‌ മുഖ്യമന്ത്രിയുടെ അനുചരന്മാര്‍ തയ്യാറായിട്ടുള്ളത്‌. വിവരാവകാശ നിയമത്തെ തന്നെ ഇല്ലാതാക്കി പൗരന്റെ അറിയാനുള്ള സ്വാതന്ത്ര്യത്തെ തകര്‍ക്കുന്നതിന്‌ നേതൃത്വം നല്‍കുന്ന മുഖ്യമന്ത്രിയില്‍ നിന്ന്‌ ഇതില്‍ കൂടുതലൊന്നും പ്രതീക്ഷിക്കാനാവില്ല.
കേരളത്തിലെ സ്ത്രീകളുടെ സുരക്ഷിതത്വം ഉറപ്പുവരുത്തുന്നതിന്‌ സര്‍ക്കാര്‍ പരാജയപ്പെട്ടിരിക്കുന്നു എന്നാണ്‌ ഈ സംഭവങ്ങളെല്ലാം വ്യക്തമാക്കുന്നത്‌. കേരളത്തിന്റെ ഉന്നതമായ സംസ്കാരം തിരിച്ചുപിടിക്കാന്‍ കഴിയുന്ന വിധം ഇത്തരം പ്രശ്നങ്ങള്‍ക്കുനേരെ വമ്പിച്ച പ്രതിഷേധം ഉയര്‍ന്നു വരണം.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌